माझा गाव

-
सुंदर आहे माझा गाव
त्याचे आहे दिल्ली दरबारी नाव II
बुद्धीवंतांचे आणि पैलवानांचे गाव
भक्ती आणि युक्तीमुळे शांतताप्रिय आहे माझा गाव II
छोट्याश्या गावात आहे सुंदरशी शाळा
सर्वांनाच लावते ती शिक्षणाचा लळा II
गावाच्या मध्यभागी आहे शोभिवंत तळे
गावच्या शिवारात डोलती ऊसाचे मळे II
तंटामुक्तीत आहे माझा गाव सर्वांच्या पुढे
स्त्री-पुरुष समानतेचे वाजते येथे चौघडे II
कन्या वाचवू, देश वाचवू, वृक्ष संवर्धनात देखील पुढे
असा माझा गाव सर्वांना लळा लावितो गडे II
क्षणोक्षणी येते मला गावाची आठवण
त्यामुळे येतो माझा कंठ दाटून II 

Comments

  1. AnonymousDecember 20, 2025 at 7:41 PM

    मी शि. दुं. पदमनवर कार्यवाह मराठी विज्ञान परिषद गडहिंग्लज.
    नेहमीच्या बालविज्ञान संमेलनाध्यक्षापदी आपले नाव माझे मित्र डॉ मानसिंग यांनी सुचवले आणि नेसरी च्या संमेलनाचा आढावा घेतल्यावर आनंद झाला. आपले मनोगत सर्वाना फारच आवडले आणि त्यामुळे आपला जीवन वृत्तांत कडे वळलो आणि आपल्याविषयी अनेक गोष्टी समजल्या आपल्या भाषणाची क्लिप हि समन्वयक उदय कडुन घेऊन पाहिली.
    मी काही तंत्रस्नेही नाही होण्याचा प्रयत्न मात्र करतोय. यथायोग्य आपणाशी संपर्क करण्यासाठी प्रयत्न करेन.

    ReplyDelete

Post a Comment

Popular posts from this blog

आजचा युवक आणि तारुण्यभान

-
              आजचा तरुण आणि त्याचे तारुण्यभान याविषयी आज खूप चर्चा होताना दिसते. तसे पाहिले तर प्रत्येक पिढीमध्ये तरुण आणि त्यांच्या वागण्या-बोलण्याची चर्चा होताच असते. तरीही आज मात्र आम्हा तरुणांच्या या नव्या पिढीविषयी खूपच चर्चा होताना दिसते. याचे कारण आजचे बहुतांशी तरुण दिशाहीन आणि व्यसनाधीन आहेत. आजचे तरुण दिशाहीन आहेत येथपासून ते पाश्चात्यांच्या अंधानुकरणांमुळ वेगवेगळ्या वाईट व्यसनांमध्ये अडकले आहेत इथपर्यंत त्यांच्यावर आरोप आहेत. या आरोपामध्ये कितपत तथ्य आहे हे आजच्या तरुणाईन अंतर्मुख होऊन विचार करायला हवा. हा आरोप आजच्या सरसकट तरुणाईवर अन्याय करणारा असला तरी त्यातील काही भाग खराही आहे. आजच्या आम्हा तरुणांना मिळणारे स्वातंत्र्य, मिळणारा रोजचा पॉकेटमनी, बदललेल्या वातावरणारा होणारा मनावरील प्रभाव, प्रत्येक क्षेत्रातील जीवघेण्या स्पर्धा, पालकांच्या व समाजाच्या वाढलेल्या अपेक्षा, आजूबाजूचे भ्रष्टाचारी, मूल्यहीन समाजजीवन, प्रसार माध्यमांचा वाढता प्रभाव, सुशिक्षित बेकारीमुळे होणारा तरुणांचा कोंडमारा या सर्वांचा परिणाम तरुणांच्यावर होण स्वाभाविकच आहे....
Read more

आमची अविस्मरणीय सहल

-
  आम्ही बी.एस्सी. पदवीच्या शेवटच्या वर्षात असताना आमची सहल आमच्या भौतीकशास्त्र विभागामार्फत म्हैसूर बेंगलोर या ठिकाणी घेऊन जायचं ठरलं. अर्थात सहल ही शैक्षणिक व मनोरंजन अशा दोन्ही साच्यात बसणारी होती. दोन महिने आधी सर्वांची रेल्वेची तिकिटे काढण्यात आली होती. सर्वांची तिकिटे एकत्र काढण्यात काही प्रमाणात यश आले होते. पाचवी सेमिस्टर होऊन काहीच दिवस झाले होते. सर्वांना आता सहलीचे वेध लागले होते. दि. २७ डिसेम्बर २०१६ रोजी आम्ही कोल्हापूरहून हरिप्रिया रेल्वेने मिरजपर्यंत व तेथून सुवर्ण जयंती एक्सप्रेसने म्हैसूरकडे कूच केली. माझा तर रेल्वेमधून हा प्रथमच प्रवास होता त्यामुळे मी खूपच उत्सुक होतो. दुसऱ्या दिवशी सकाळी म्हैसूरमधून आम्ही लगेच २८ सीटर गाडीने कुर्गकडे प्रस्थान केले. वास्तवत: कुर्ग हे थंड हवेचे ठिकाण असून भारतातील स्कॉटलँड म्हणून देखील ते प्रसिद्ध आहे. तेथील ऐतिहासिक तिबेटीयन बुद्धलोकांचे सुवर्ण मंदिर लक्षवेधी आहे. दुपारच्या वेळी आम्ही तेथे उपलब्ध असलेला रिव्हर राफ्टींग हा साहसी खेळ खेळण्यासाठी कावेरी नदीतील पाण्यात उतरलो, अर्थात सर्व काही सुरक्षीतते...
Read more